شعر / محمد زاهر
بحبك جلالتك .. وداري بحالتك …. وشايف في حبك اكيد البدع
بحبك عنيده .. شقيه وفريده ……. وجه نور دﻻلك فضاع الجدع
بحبك يا انتي .. يا سكني ومدينتي… يا امي وبنتي يا ست النسا
ولو عيني شافت .. فيوم واحده تانيه…. باشوفها في هيئه .. اكيد خنفسا
بحبك يا طاققه .. يا ايوه و لأ ……. يا اجمل شيزوفرينيا قابلتها
بحبك مسامحه .. وشايفه وﻻمحه….وهارشه لكل كلمه يوم قلتها
بحبك بصدك .. جمودك وردك …. وجزبك وشدك .. دماغك حجر
بحبك بدلعك .. وشوقك وولعك… ولحظه ما بتكوني شبه الغجر
بحبك رقيقه وطاهره و بريئه… بحبك حقيقه يا عمري اللي جي
دا حبك في قلبي اكيد رد روحي…. وداواي جروحي وبيه صرت حي
بحبك يا اجمل هبه من السما .. و نفسي في حبك بقيت مغرمه
بحبك وعشقي لطبعك نما .. وحبك في قلبي صبح ملحمه
بحبك دي كلمه انا قلتها ……. ونفسي تقولي انا فهمتها
واشوف منك انتي .. يا شوقي وسفينتي ….. سعاده حياتي اللي ما عيشتها
