منى الريس
بمناسبه السنه الجديدة اهدي تلك الكلمات لكل أطفال مصر
احنا الورد الي بيتفتح علي الأغصان
احنا الغنوة الي بتنده قلب الإنسان
احنا الجيل الي بيتمني
نصبح نلقي العالم جنه
نصبح نلقي الدنيا ما فيها
في أمان وسلام
من حقنا نطلع حلوين
لو علي حلم جميل بيتين
لو علي فجر جميل صحيين
عايزين عايزين
عايزين هوي من غير دخان
وطريق نمشي عليه بأمان
وشجر عالي في كل مكان
يفرش ضله علي الإنسان
وازي لما نبص يمين وشمال
ازاي نلقي صراع ونشوف أهوال
وحروب دايرة ليالي طوال
ودموع في عيون الاطفال
ليه في العالم حب مفيش
ليه في طير مقصوص الريش
يا لي بدكم صرح العالم
من فضلكوا خلونا نعيش
من فضلكوا خلونا نعيش
