11 /11 مجرد عدد لاعبى ماتش كورة مش اكتر

كتب /رامى ذكرى

طبعاً بتكلم جد إتفرج على مباراة كورة مش هتلاقى غير 11 لاعب لكل فريق داخل ستاد فاضى بدون بث يعنى لا حد سامعكم ولا حد شايفكم ولا بيشجعكم.

#مين_اللى_قالك_كده_يابرنس

طيب من غير تعصب بس وانا هاقولك ليه

#قول_ياخويا

أولا عشان محدش أساسا نازل ولا طالع معاك زى ما انت وأهم نفسك يعنى بالبلدى انت الجرائه واخداك بس لكن أساسا انت نفسك مش نازل

#اهو_كلامكم_ده_اللى_بيحبط_الناس

ياحبيبى افهم كلامنا مش ممكن يغير رأى حد خصوصا لو هو مقتنع باللى بيعملوا
لكن احنا بتكلم بالواقع اللى ظاهر للكل

#وايه_هو_الواقع_يانجم

الواقع يامحترم أننا أصبحنا فى وضع نظام قوى لايقبل بأى حال وجود انقسام واختلاف اراء هدامة وده بيصعب موقفك
وكمان الناس مقتنع أن هناك تنمية حقيقية على أرض الواقع
يمكن يكون هناك أخطاء لكن مش فشل والأخطاء سهل تصحيحة

#انت_وامثالك_اللى_بتخوف_الناس_من_النزول

مين قال كده البلد قدامك أنزل انت واللى عايز لكن قولى كده نازل ليه وعشان ايه هاتقولى الأسعار طبعا لأنك لاتملك اى أسباب للنزول صح

#وهى_الاسعار_ده_حاجه_سهلة

لا ياعم مش سهله لكن مين المتسبب فيها هل الدوله فقط
لا طبعا عارف ليه لو اتكلمنا مثلا عن السكر هتلاقى التجار عملين مخازن سكر فى بيتهم
ده غير الشراء الغاشم للسلع من قبل المواطنين يعنى اراهنك أن السكر اللى موجود فى بيوت الاهالى كفيل يحل ألازمة
يعنى يافندم
احنا سبب من اسباب الازمه

#ياعم_ارحمونا_انتوا_بس

حاضر ياسيدى عايز تنزل أنزل اعترض على الأمن اللى بقى فى كل مكان
اعترض على الكهرباء اللى منوره بتكم بعد ظلام كاحل
اعترض على الأمان اللى أهلك عايشين فيه
اعترض أن بلدك مش فى دمار
اعترض انك بتقدر تعبر عن رأيك
اعترض انك واخد حريتك فى بلدك
اعترض على الجيش اللى حامى الوطن
اعترض على المساكن اللى استلمها اصحابك واللى انت مقدم فيها
اعترض على الإرهاب اللى اختفى
اعترض على مسار تنمية ناجح
الإنجازات كتير بس مش شايف غير اليئس اللى فيك مش شايف غير نفسك
أنزل انتى واللى زيك لكن لما تلاقى نفسك لوحدك اعترف انك كنت غلطان ماترجعش تقولى اصل الناس خافت.