بقلم : جينى طعيمة
العيد جانا والتيلفون ما بيبطلش رن من الرسائل والمعايدات الرقيقة وطبعا بحاول أرد علي أد ما أقدر وأتمني ما كنش قصرت ،
وللناس القريبة لقلبي بادرت وأرسلت رسائل قصيرة لكنها من القلب ،،،
ندخل علي فقرة الفيسبوك ،
كم من المباركات والمعايدات من كل الناس لبعضها البعض …
وأستوقفني شيء جوايا كنت بفكر فيه أيام مرسي ربنا يفك أسره ويهديه للصواب ونحاول نلم الشمل لأنه فعلا( ….. ).
ولا كان فاهم حاجة ( عبد المآمور يعني )
المهم إيه بقا إللي كنت بفكر فيه أيام مرسي
كنت بفكر أسافر بولادي كم سنة كده لحد ما نفهم البلد رايحة لأي إتجاه ،،،
وفكرت في ٣ دول
١- دبي … بلد عربي وبتحترم المواطن
٢- لندن … لأني لي من الأهل عايشين هناك أكتر من ٤٠ سنه وكان لأزم أسافر لها علي الأقل مرتين في السنه
وبشكل شخصي جدا أنا بحبها .،،،
٣- لبنان … بلد واخدة علي الحرب والقنابل في المساء وفي الصباح يروحوا شغلهم عادي وبينها وبين بلدي ساعة يعني مشوار من مصر الجديدة للمهندسين ….
وطبعا عشت فيها مدة مش بطالة حفظاها أكتر من مصر
المهم في الموضوع والحكاية الطويلة دي إيه …
إني بصراحة مقدرش أعيش أكتر من كم يوم بره بلدي الحبيبة وبلد أولادي كل الدنيا مصر
مقدرش أعيش من غير الشعب’ده ….
وتريقة الأهلي علي الزمالك والمسخرة إللي بتحصل في الماتشات،،،،،
إفيهاته حتي علي فواتير الكهرباء ….
إفيهاته علي العيديات وخروف العيد وإلخ مصخرة
طيب أروح فين ؟
ده شعب قمر ،،،،،
بلدنا أحلي بلد في العالم
بس أشتغلوا شوية بعد العيد وكفاية أنتخه
بحبك يا مصر ????????????????????????
