كتب : أحمد عبدالرحيم
الله يرحمك يا استاذ جاينلك كلنا بكرا نسلم عليك اخر سلام بس و الله عمرك ما هتفارقنا في عقل كل واحد فينا كلمه و نصيحه هافتكرك كل مره اجي اذاكر دور جديد وانت بتقولي متسيبيش يا هبه الكراسه و القلم وهافتكرك في كل مره اخد اجازه من الشغل وانت بتقوللي اتعلمي في وقت فراغك دايما حاجه جديده مبتعرفيهاش هافتكرك كل ما اقري الحسين ثائرا و مأساة الحلاج و الجريمه و العقاب و اولاد حارتنا هافتكرك كل ما اسجل في الكراسه اشكال و تصرفات و لبس الناس اللي لفتت نظري وانا ماشيه في الشارع هافتكرك كل ابريل و هافتكرك كل اغسطس مع عيد ميلاد بابا سلملي عليه لما تقابله عند ربنا و قوله انه وحشني و منسيتهوش مع السلامه يا استاذي الأعز في امان الله و رحمته اسمتع برحلتك للسماء
