الشاعرة/ نادية البسيونى
أراجوز أراجوز
مالك مقموص
وعنيك اللوز
تضرب ميت بوز
احكى لنا وقول
إيه الموضوع
من غير ما تجور
أو حتى تثور
هااحكى لكوا حكايتى
من قلب مرايتى
مع حال عكروت
عكرت كتكوت
وانتوا الجمهور
كلمتكم نور
زغلل بنور
فى الليل الخالى
قاعد مع حالى
رايق مبسوط
عاوج أحلامى
والدنيا تلالى
تحت الطرطور
وبإيدى النونو
ماسك تليفون
يغرينى بلعبة
مع طير فرفور
والساعة تفوت
وتقرقش ساعة
زى البسكوت
عديت مليون
من أول دور
وان غبت دقيقة
أخسر كام دور
والطير يتمنظر
ويغيظ ويكركر
ويقول أراجوز
مغلوب مغلوب
فجأة صوت عالى
يضرب مهموز
وينادى بشدة
من سابع بوز
أراجوز أراجوز
قوم لم الدور
دى الدنيا تدور
والليل بعيون
شايفك مشغول
والنوم مظلوم
جنب التليفون
وانت المحقوق
وعقابك عندى
تفضل محروم
من أى خروج
غير لما تفوق
