بقلم /نادية البسيونى
الليلة عيد تلاتين يونية
بالصورة والصوت والثانية
سجل تاريخنا أيامنا
يوم ما الفضا ساق أعلامنا
الليلة عيد تلاتين يونية
رمز البطولة ووحدتنا
إيد واحدة شعب وجيش شرطة
وعيون أمل يومنا وبكرة
حب الوطن حب الفطرة
أقوى من الليل والفرقة
هو الونس
هو السترة
لو حتى بسميطة ودُقَّة
غنى يا طير غنى بقوة
صبَّح على بلادنا بغنوة
واوزن كلامك للحلوة
ده الليلة عيد تلاتين يونية
يا بلادنا يا دافية
حبيتك العافية
دى النية لو صافية
بانت لها الخافية
مين ده اللى يئذيكِ
أو يوم يعاديكِ
واحنا شموع ليكِ
قايدين حواليكِ
عينى قمر ليلك
روحى فدى عينك
والنقطة من نيلك
باست قناديلك
والله يا بلادى
لاكتب لك الآتى:
لو مَسِّك العادى
لاقلبْ عاليه واطى
