بقلم : بدرية محمود
عشان خاطرك!!!!؟
وباتحمل كتير انا ليه
ويجوا عليا ويزيدوا
يشوفوا الدمع فوق خدى
يزيدوا ف نارى ويقيدوا
وباستحمل
عشان خاطرك
يحطونى ف تابوت
من دم
يصفوا منى احلامى
وارقع حيطان العِلم
يشدونى
فى بير من كُره
القانى
وباستسلم
وباستحمل
عشان خاطرك
ودخان روحى انا شيفاه
بيتسرسب
وتاه منى الامل ما القاه
اشوف الضلمه فى قلبي
وشريان الحياه صلبوه
وعمرى كله كفنته
وراح منى ما خدت عزاه
وكل ده ليه
عشان خاطرك!!!؟؟؟
وفين خاطرك
بقيت تدمن انين الاوجاع
ولا تسأل
نزيف الروح شعاع دايب
ولا لقيتك
تطبطب مره ع قلبي
ولا حسيت بالامى
عشان خاطرك!!
ومين كان شال ف يوم خاطرى
ومين كان قال دى انسانه
ومين مسح لى يوم دمعى
وزيدت الهم فوق همى
عشان خاطرك!!!!!!!!!!
خلاص خاطرك بقى بيوجعلى
ايامى
خلاص انا فوقت منه وراح
ميزان الحب ف الكفه
ميزان واحد
لا فيهم واحده يوم تعلا
على التانيه
ونمشي ف دنيا متعادلين
لتعمير الحياه والكون
