الشاعر في سطور الاسم احمد راضى محمود اللاوندى اسم الشهرة.
احمد راضى شاعر عامية وزجال محل الميلاد مدينة عزبة البرج محل الاقامة راس البر العضويات عضو اتحاد كتاب مصر رئيس رابطة الزجالين وكتاب الاغانى فرع دمياط رئيس نادى ادب مركز شباب مدينة عزبة البرج
عضو جمعية رواد الادبية صدر له ديوان عناقيد اشعار بالعاميه المصرية 1996 الهيئة العامة لقصور الثقافة ديوان النكلة والطربوش بالعامية المصرية 1997 طبعة خاصة ديوان من غير سلام بالعامية المصرية 2000
الهيئة العامة لقصور الثقافة ديوان حواديت اللاوندى بالعامية المصرية 2002 طبعة خاصة ديوان شروق بالعامية المصرية 2010
اقليم شرق الدلتا الثقافى ديوان رباعيات اللاوندى بالعامية المصرية 2014 اقليم شرق الدلتا الثقافى ديوان مربعات فن الواو بالعامية المصرية طبعة خاصة 2016 طبعة خاصة ديوان فجر جديد اتحاد كتاب مصر ديوان اوعى تنسي ٢٠١٩
الفائز بالنشر فى دار الوهيبى للنشر والتوزيع ٢٠٢٠ له تحت الطبع ديوان مناسبات بالعامية المصرية ديوان هو و هى اشعار بالعامية المصرية ديوان حماريات اشعار بالعامية المصرية
شارك فى العديد من المؤتمرات والندوات الادبية على مستوى الجمهورية كرم فى مؤتمر الاقليم فى محافظة كفر الشبخ 2016 كرم فى مهرجان الزجل الثانى فى مدينة نصر 2017
كرم عن التراث الشعبى فى محافظة دمياط عن الهيئة العامة لقصور الثقافة ٢٠١٨
كرم فى كلية الهندسة فى بور فؤاد التابعة لمحافظة بورسعيد الباسلة 2019بدرع الكلية عضو امانة المؤتمر العام من اعماله الادبيه إسمك ف اول سطر ف شهادة ميلادى من قبل اسمى مايتقرا وبقول.
بلادى دى شهادة منك انى انا من صلب نيلك وبتجرى مجرى الدم ف شوارع فؤادى اختارت اكونلك سيف واكون درعك وضهرك كنتى العروسة وانا العريس وحياتى مهرك عمرى ماخنتك او نسيت وعدى وعهودى نسيانى ديما ف الفرح وترجع لى ف عز قهرك
لا قدرت ادور وشى ولا اقول فى حد غيرى انا اللى فارش ف الخلا ارضك سريرى لاحضن دافى يضمنى ولاكان لى ماوى ونسجت جلدى ميت جناح علشان تطيرى وعنية كانت بنيات ورموشى قشك حارس وضد اخويا لو كان يوم يغشك وكنت قبل مانيمك ف عيونى اسمى
ولا حد يقدر يخدعك وينام ف عشك ايه اللى غير سكتك يام العواجز وخلقتى بينى وبين هواك ميت الف حاجز ولفتى ع الطير المهجن وانتى حرة وفطمتى ابنك م الحنان وهو لسة عايز لو كنت عاصى او جبان رح قول جزاءى دانا اللى بين انقاض حيطانك لسة باقى
وكنت واقف تحت عرشك ميت عمود مرضتش انخ واقول دى راح تاخد عزاءى نكرانى ليه وسط العزايم والضيوف وانا اللى ناصب زفتك وعملت من قلبى الدفوف كان نفسى اشوف نظرة عنيكى تبص ليا
ومش مهم تقولى ابنك بس اشوف خليتى حقدى شظاية بتنبت قزايف ترشق ف صدرالجانى والابن اللى زايف مابقتش افرق مين مطيع ومين منافق م الخوف برتل اسمك انتى بين الشفايف كان كل همك تسمعى اسمك يدوى.
فخوفت انجس هدمتك بلسان عدوى خليته يلحس سكتك بين العواصم وحكمى صادر ع الملاء اياك تعوى وادينى واقف من بعيد ولا شيفانيش والهم لسة مابين ضلوعى مابنتهيش ولسة غاوية تطبطبى عل اللى باعوك وقت احتياجك للدفا مالقيتى خيش
