حوار بين العقل والقلب

كتبت: ميرنا جمال

ازيك ياقلبي.
 كويس ياعقلي.
العقل: زعلان مني ليه ياصاحبي ؟
القلب: أنا عمري ما كنت صاحبك!
العقل: لأ إنت صاحبي وحبيبي .
القلب: وكمان حبيبك إنت كداب!
العقل:ليه بتقول كده ؟
القلب :عشان إنت عمرك ماحبتني، ديمًا مش عاملي وجود في حياتك.
العقل: إزاي بس ياقلبي !ده أنت أهم حاجة بنسبالي ‚أنت الإحساس كله، إنت أهم جزء في الجسم ‚أنت المسؤول عن كل حاجة، منك ليخرج الدم اللي بيعتمد عليه جسمنا، إنت التنبؤ.
القلب: أهو كلام! ؟
العقل: ياقلبي افهم إنت جزء مني مقدرش أعيش من غيرك، وأنا جزء منك بنكمل بعض.
القلب: طيب ليه بتعمل معايا كده! ؟ بتزعلني وتيجي عليا.
العقل:عشان بخاف عليك‚ مش عايزك تتعب ولا تنجرح بسبب عواطفك.
القلب:بس أنا أحيانا بكون صح!
العقل:بص ياقلبي ربنا خلقك للإحساس‚ للعاطفة ؛أما خلقني أنا عشان أفكر وأفهم.
القلب:معني كده إن كل واحد يصرف براحته؟
العقل:لأ طبعاً إحنا اتخلقنا عشان نساعد بعض ‚عشان إنت توصلني إحساسك وأنا أوصلك فهمي ونقدر نختار صح.
القلب: بس إنت مش بتعمل كده!
العقل:لأ بعمل. بأمارة إن بسيبك تختار أحيانا لما بتحس وتقدر كويس من غير عواطف زيادة.
القلب:عندك حق.
العقل:شوفت بقي ‚بس أنا طالب منك طلب تحبني زي مابحبك ‚ومتحاولش تجهد تفكيري في حاجات إنت حاسس إنها غلط، توعدني؟
القلب:أوعدك، بس أنا كمان عايز أبقي صاحبك ونتكلم مع بعض ‚تقولي فهمك وأقولك إحساسي ونتفق.
العقل: أوعدك المرة دي نكون صحاب ومش هاخد أي قرار من غير رأيك ورضاك.