بقلم : يسري مطاوع
مش هعيش بالغربة راجع
مش هعيش تاني بألامي
مش هعيش تاني بمواجع
كفاية العمر عدى
والغربة متنتهيش
نفسي أرجع تاني حضنك
يا بلادي وتاني اعيش
سبتك بمرة غلطة
لكن انت مسبتنيش
دايما بقلبي فكرك
والحب ميتنسيش
وبعيني عليكي دامع
تايه بالشوارع
مشتاق لحضنك انت
مشتاق ليكي حبيبتي
لو الايام فرقتنا
مش هنساكي اميرتي
ساكنة بنن عيني
ودايما توحشيني
ولو بعدت خطايا
انا تاني ليكي راجع
سامحي مرة فراقي
وافتكري ليكي باقي
لو غلطة جرحتنا
باقي ليكي اشتياقي
ضميني ليكي خديني
من قسوة الشوارع
