الاديب الكبير..المستشار الثقافى لجريدة الاخبار المصريه
خالد موسى
بروح انكر وبيجي انكير
جولة فكر هزت ضمير الناس
طافت بعقلي وزادت التفكير
هيي حكاية نقد للسياس
هل سببوا لاولادنا التعتير
اجنمعوا بحكومة تشكلت اجناس
احزاب شتى ناقصا التدبير
واستنجدوا بمرافقة وحراس
لا صار مثلهم لا بقا بصير
ورثونا الدين والافلاس
وشو ما دخل عا جيوبهم بطير
هانوا الموظف والفقيرا نداس
عا كتافنا تعتبو بشيد النير
ومهما حكينا بيلومونا الناس
بيتبعوهم لو تمادوا كثير
يا شعب انت العين انت الراس
ليش ابتليت بموكرة دبابير
يا شعب ليش بتنتخب رياس
لا حق قانعهم ولا صحوة ضمير
مغارة علي بابا وابو النواس
جاروا علينا وبدهم تغيير
قوانين سنوا وما لها مقياس
بفسروا وبيصدقوا التفسير
باعوك باعوا موطنك بنحاس
خلوا حياتك ناطرة المصير
يا شعب يا معتر بلا احساس
قصفوا حياتك لو بعد بكير
خلوك تشكي من الضنا والياءس
من يوم غادرت الطفولة صغير
فقرا مساكين وقاطعين انفاس
بدهم يكونوا من دعاة الخير
واملاكهم بالبحر ما بتنقاس
ما عم بيطلع من جناها خير
وبالبر املا كهم لما بتنداس
بروح ريعها وربحها للغير
ونسيوا البنوك ربحها اكداس
فرضوا ضرائب عالفقير كثير
احمد وحنا مع علي والياس
عادل وطوني مصطفى وبشير
وان كان كليتهم على المقياس
رح نرحل من الدار عا بكير
خلوا عراسهم زينة الاعراس
لا فرق عندهم بين بيك ومير
ولبسوا زوجاتهم الماس
نادوا التقشف لبسوه للغير
كرسوا اوقاتهم يا ناس
حفلات اكل وسفر ومشاوير
من عهد استقلالنا الوسواس
مسيطر علينا وورث التعتير
ما عاد تفرق بين راس وراس
كلهم براس القايمة رياس
بروح انكر وبيجي انكير
