جريدة العالم الحر
قصيده بقلم ،،، سامي سالم
بعنوان ،،، ضربة ودع
هو بعد العشق شك
هي العهود عندكم بتتفك
وللا القلوب بتتباع بصك
ليه الوجوه بميت وش ومصك
ليه القلوب مغلفه بالخداع والكدب
هان عليكم الوجع ياضاربين الودع
فاكره لما وشوشتي الودع وضربتي الطالع للجدع
مش كنت أنا الجدع وإللي ف هواكم إنخدع
ماأنا كنت دعوتكم ف الودع ،، ليه قلبي منكم إتوجع
وللا دا شبع من قلب كان ليكم سياحه ومنتجع
كنت ف منامي بشوفك حبي إللي إتولد
ذي طفل برئ له أسره وسند
والكل بيحبه وبيقدموله المدد
كنت شايفك كده عمري للأبد
وإللي بنيته سنين لقيتك فيه معول هدد
ولقيت قلبك شايل جواه عدد
كنت فاهم إن حبي ليكي إتحسد
ياحسره ياريت فجري ماطلع ولا حتي إتولد
الكابتن ،،، سامي سالم
نقيب بحريه متقاعد
