نســـيج واحــــــــد

كلمات الشاعر/ عاصم السمان
جرس المحبة يا خال
دندن على بابى
رفع الاذآن الشيخ
صلوا على الهادى
الارض ارض الله
واحنا نسيج واحد
لا فرق بين قسيس
ولا شيخ ولا واحد
الو حدة طول عمرها
والدم بقى واحد
فى الثورة كان حنا
واحمد فى دور واحد
كانوا فداكى يا مصر
ما توحدوا الواحد
*****
سامحينا يا ام العرب
عمرك ما بتحابى
انتى اللى اصل الاصل
افديكى بشبابى
جرس المحبة قال
ما فيناشى ارهابى
أية يعنى لما ينحرف
خمسين من الباقى
راح تفضلي يا مصر
أصل الغرام انتى
انتى الطبيب والدوا
ف القلب علمتى
علمك هيفضل فى السما
والراية مرفوعة
والوحدة فيكى يا مصر
ليها كلمة مسموعة
لا فرق بين قسيس
ولا شيخ ولا واحد
ما تمجدوا السيد
وتوحدوا الواحد
*****
الله عليك يا مصر
يا كل أمانينا
فيكى الهلال يا مصر
مع الصليب زينة
لا فرق بين قبطى
ولا مسلمين فينا
دايما نحب الخير
ونحب بعضينا
ملعون ابوالشيطان
واللى يعادينا
واللى يقول فتنة
واللى يجفينا
واللى يفكر يوم
يدخل أراضينا
دى مصر ام العرب
بنناهابا دينا
إحنا بنينا السد
مرقص وكان مينا
احمد وكان محمود
شايلين أمانينا
لا فرق بين قسيس
ولا شيخ ولا واحد
ما تصلوا على الهادي
وتوحدوا الواحد