كتب_وائل عادل
منذ انعقاد برلمان مرتضي وعوكش وانا استهلكت اكثر من الفين جنيه لب وسوداني وترمس كل يوم اعزم الشله ونجيب اللاب توب ونشغل اليوتيوب ونستمتع باخر الاخبار ونشوف حبايبنا ورد فعلهم من النواب للأعلاميين
وبعد الـ 232 نائب اللي وقعوا علي استماره طلب بدل وجبات وبدل شاي وبدل قاعده في البرلمان وطالبوا الساعه ب5000 جنيه قررت اسكت لاني سافل ساخر قليل الادب …والقاعده بتقول اذا شعرت يوميا بانك قليل الادب فأعلم انك مؤدب لان عديمي الادب لايشعرون … وعلشان انا وكل مصري حر عندنا دم لازم نتغاظ وننهار قدام عديمي الادب اللي جعلوا اوطاننا مسخره الامم…
سياده النائب اللي كان بيعمل باي…ابن شافك والحاجه اداته المصروف والواد قال لصحابه ابويا اللي مان بيعمل باي…ولقبوه بحماده باي باي
سياده النائب اللي بيقول انا معترض اني بدفع تمن الشاي في بوفيه البرلمان….احب اقول لجنابك انت مش طالع رحله تبع المدرسه ولا الحضانه ومستني امك تدفعلك
سياده النائب اللي عايز وجبه وكنتاجي وعصاير وبوفيه اوبن….عليا النعمه انت في مجلس شعب مش في بورتو غالب ياسطا
سياده النائب اللي عايز بدل مبيت وهو بيروح كل يوم ڤيلا معاليه….اقسم بالله انت مش مهاجر دوله تانيه ولا المجلس بتاعك في السلوم دي كلها ساعه وبتروح
سياده النائب اللي مضي علي انه عايز الساعه بخمسه الالاف جنيه…..اقسم بدين الله لو جايب رقاصه من شارع الهرم ترقص للصبح ماهتاخد اكتر من500 جنيه في اليوم مش الساعه
سياده النائب اللي بدل مايدفع الفاتوره اللي قيمتها كل صوت في دائرته وراح يطلب لنفسه ويتمنظر….انت فاشل وكومبارس وحشره
انا اعرف تلاته منكم معرفه شخصيه الراجل بتاع بلدي المقتدر اللي ماعملش حاجه طول عمره لبلده ولما بقا نائب بردوا ماعملش ولاهيعمل لاهل دايرته لان لو فيه الخير ماكنشي رماه الطير….كمل دورك گلاعب وصوره انت ماشي كويس والناس فاضلها شويه وتهيج عليك
الراجل بتاع الجيزه اللي معاه مليارات وبيطالب بفلوس وبدلات ..اتعلم الاول تكتب اليكتروني بدل ماانت بتقنع الناس انك دكتور وانت مقعد الناس علي اميلك وتتكلم بأسمك علي اساس انك مثقف وفاهم وانت في الطراوه
السيد الرئيس اللي عايزني اصبح علي بلدي بجنيه…طيب لما انت ناجح وحققت انجازات ماحصلتش ولا هتحصل في عشرين سنه زي ماقلت…بتشحت من امي ليه الغلبانه جنيه
لما انت بتقدر تمسح من ع وش الدنيا مش قادر توقف الارهاب ليه
لما انت قادر وبتعمل مشاريع وبتشغل الناس ..الكام مليون بطاله دول ايه
لما انت حققت اقتصادك وماشي كويس…الدولار ب2 جنيه ازاي اه اتنين مش تسعه لو بتسعه يبقي فشل الريس
لما انت قادر علي الحسم ماحسمتش ليه قضيه المياه وسد النهضه ياطائر النهضه وخليفه العبط
لما انت قادر تبيع نفسك ساكت ليه بيع نفسك للي مقتنعين بيك وسدد ديونك اللي خدتها من الدول اللي بتقول بيعارونا اهو يمكن تجيب فلوس وسعر كويس
بقولك ياريس صحيح هو الصندوق اللي هصبح بيه ع مصر علشان الكبار يصتبحوا بفلوسي فين التقارير بتاعته صحيح
اخر كلمه ليك ياريس ومن قلبي والله
ياريس سيبك منهم انجازاتك مخلياهم هيتجننوا الدولار بقى ب9 جنيه وقناة السويس دخلت 100 مليار دولار وخلاص اهو سيادتك قبل ما تمسك الرئاسة غصب عنك قلت اصبروا علي سنتين و السنتين خلاص خلصوا والدنيا بقت تمام والاسعار في النازل يوم عن الثاني سير ياريس ولا يهمك من الاخوان الخونة
