يوميات بالعزل

كتبت : صفاء سمير

عن مريضه مسنه جايه مستشفي الحجر ومش معاها اي حاجه نوصل لاهلها بيها غير بطاقتها ولا تليفون نقول لاهلها انها اتحولت عندنا وهناخد وقت علشان نوصل والمريضه في حاله زعر تاااام وصدمه عصبيه

عن اسره كامله محجوزه عندنا وابوهم مات ومش قادرين نقولهم انه سندهم ف الدنيا مات واتدفن وانتوا متعرفوش ولسه بتدعوا انه يخف ويرجع بالسلامه

عن حاله مات اخوها عندنا ومش هنقولها علشان منفقدهاش هي كمان لانها مريضه سكر وضغط

عن اسرة لا تعلم بايجابية حاله عندما توفت ودفنت وعند العلم بايجابيه راح ضحيتها منزل بالكامل العزل وحدث تنمر شديد عليهم

عن ام بتقولي ابني هيتحول هنا طلع ايجابي لو سمحتوا خليه ف الاوضه معايا ده صغير ومش هيستحمل

عن بنت مصابه عندها ١٢سنه وبتقولي هو بابا عندكم لانهم
قالوا هيروح ابو تيج ويا مس احجزيني ف اوضه بابا

عن طفله عندها سنه واسرتها كلها معانا وبتقضي اول عيد ميلاد ليها معانا ف الحجر

عن طفل عنده سنتين ومامته واترعب مننا ومن لبسنا اول ما شافنا ف العزل ودخل في نوبه بكاء متواصل

عن مريضه مسنه طلعت سلبي الحمد لله وبتقولي كلمي مرات ابني يا مس وقوليلها اني كويسه وخفيت ومش هعدي ولادها

عن حالات مرعوبه لوحدها ف العزل ومش معاهم حد من اهاليهم

عن مرضي جايين من محافظات تاني وبيسالونا احنا فين دلوقت

عن مريضه جايه هي و٦من اسرتها ايجابي بعد ما جوزها اتوفي ف نفس اليوم بكرونا .

عن حالتنا النفسيه اللي اتدمرت وانتوا زي ما انتوا ف الشوارع والعزومات ومش مهتمين اساسا

عن استهتاركم بارواحكم وارواح اسركم اللي هتتحاسبوا عليه

عن دموع المرضي الرجال قبل النساء ف الحجر لما يعرفوا ان اهالهم طلعوا ايجابي

مش حاسين انتوا ولسه زي ما انتوا
فكروا كويس
محدش هيندم غيركم بعد كده
خليكوا ف بيتكوا لاننا معندناش اماكن تاني،⁦

عن ام كل لحظه تسالني هاخرج امتا عشان سايبه طفل بيرضع ومش عارفه ليل من نهار

عن زوج واب مضي عليه بالعزل اكثر من 35 يوم وهو كل يوم بيسال هاخرج امتا لحد ما فقد الامل

عن مسن بكي لمجرد معرفه ان نتيجه سلبي من فرحتوا

عن زوجه وام بكت من كتر التنمر والوجع اللى تتعرضله يوميا من المجتمع الريفي

عن اسرة كاملة ادمرت لا ملجأ الا الله لان غياب الزوج كسر ظهرهم ولا معين لهم

عن طفلة تتسال يوميا عن متي تثبت سلبيتها

عن ام قبلت ابنها لكي تصاب مثلهم حتي لا تتركهم وحدهم بالعزل

عن طالبه لا تتجاوز 13سنه تقول حتي اذا بقيت سلبي لا اترك امي هانخرج سوا

عن ام فقدت الامل وقد اوشكت علي الانتحار وتهديد بيه لعدم راحه النفسيه وضغوط عليها لانها هي واسرتها جميعا بالعزل وكلا منهم في عزل محافظه غير الاخري ولا تعلم عن حالة شي

عالم  العزل مليان اسرار كثيره الا يحس بها الا من عاشها

عني انا عندما اتلقي هاتف من احد اسر بمعاناه نفسية وصراع يوميٱ
يحدث مع ابناء بني سويف بالعزل
الزموا بيوتكم