بقلم : داليا زردق
مش لازم تنتظر لما يفوت آوان كل شيء حواليك علشان تحس بقيمته و تعرف اد ايه كان حلو اوى و عظيم …
مش لازم تنتظر لما حد يموت علشان تعرف اد ايه كان جميل و كان مهم في حياتك و فراقه صعب جدا و مؤلم..!
مش لازم تنتظر وقت معين علشان تحضن حد بتحبه و تقوله و الله بحبك من كل قلبي !
مش لازم البيت يفضي عليك علشان تقول كانوا هنا و هناك و كانوا ماليين حياتي و خلاص مفيش حد منهم الان …
مش لازم تستخسر في نفسك حاجات كتير بتحبها و فجأة تلاقي العمر مر و الحاجات دى راحت عليك و راح وقتها و أصبحت مش مهمه الان بس كان زمان نفسك جدا فيها …
بس انت بتضيع وقت الحب و وقت السعادة و وقت الاستمتاع بالناس والأشياء و بتفضل تؤجل فرحتك و متعتك لغاية ما للاسف تخلص دنيتك..!
خليك انتهازى!!
انتهز كل لحظة حلوة و عبر …
كل يوم جميل …
كل انسان بتحبه ..
كل عيله بتونسك….
كل فكرة جديدة …
كل لبسك و اشياءك!!
استمتع بهم مش لازم يبقوا ميراث من بعدك. !!،
استمتع قبل ما يجي وقت تروح الرغبه مع المتعه مع الوقت …!
