بقلم رمزي دحرج
يا تاريخ
يا حضاره
يا غاليه عليا
ليه كده اسيه عليا
و خيرك ماهوش ليا
رايح للحراميه
مصر
يا تاريخ
يا حضاره
يا غاليه عليا
هو انا مش ابنك
وللا انتي مش امي
سيباني ليه مغلول الايدين
و ولادك محرومين
مصر يا ولاده
الحراميه فيكي بذياده
و السوس ناخر قلوينا
و حكومتنا مش داريه بينا
و كاتمين علي نفسنا
مصر
يا تاريخ
يا حضاره
يا غاليه عليا
بترول و غاز و دهب
و سياحه
و ولادك في البلاد سواحه
و يرجعولك في النعوش متشاله
الموج للمراكب ماهيش شياله
بتهرهبيهم ليه لما انتي ولاده
كان واجب و حتما الحكومه متشاله
مصر
يا تاريخ
يا حضاره
يا غاليه عليا
عمنا صلاح جاهين
قالها زمان
بحبها بعنف و برقه و علي استحياء
و اكرهها و العن ابوها بعشق زي الداء
و انا ابنه
ابن عرابي و زغلول و محمد فريد
انا ابن يوسف الجندي
و ب اعلن استقلالي
عن كل اللي بيعادي
و يسرق قوت عيالي
يا مصر يا ولاده
انا ابن النيل
الجبرتي و عبدالناصر
و ابن صلاح الدين
و رافع الطهطاوي
انا ابن دول كلهم
هما دول مش ولادك
ليه سيبانا لكلابك
وحوش بتنهش فينا
ليه كده كرهانا بذياده
ولادك ليه طافشين
بالمراكب ماشيين
و علي القهاوي متسكعين
لا ناصر ولا معين
فيتك يا صلاح الدين
يا سيسي حرر الايدين
و ابعد عن المنافقين
الخونه النصابين
اللي من دمنا شاربين
اطرد بطانه السوء
اللي حواليك في السوق
و انظر بعين الرضا
لشعبك المسروق
و حل المشكله
وللا هي معضله
انا عارف انك وحيد
و هتعدي الصعب يا شديد
و شعبك كله معلك
و معانا ربنا
يا رب يا ربنا
يا رافع السما
من غير اعمده
ارحمنا برحمتك
طهرنا من المفسده
طهرنا من المفسده
ارحمنا من المفرمه
مصر
يا تاريخ
يا حضاره
يا غاليه عليا
