بقلم/ وﻻء حسن
هحكي حكاية شهيد
شهيد رتبة عقيد….
رصاصة غدر جاية،
جاية في قلبه ناوية،
بتجري بسرعة عالية،
البطل سبتت عينيه،
مش عارف في ايه،
شاف ساعتها شريط حياته،
لما كان في العيد صغير،
خد عديته وجري علي الكشك البعيد،
اللي فيه عم سعيد،
هاتلي اكبر بندوقية،
ﻻ سيب دية هاخد دية
يجي عيد يعدي عيد،
يكبر حبة ملامحه تختلف
ويختلف شكل البندقية،
كبر الهمام وجه الاوان
يمسك في ايده البندقية،
بس مش لعبة زمان
ﻻء دي بحق وحقيق،
جه خلاص وقت العمل
احمي وأدافع ع الوطن،
وبدأ مشوار الملازم،
فضل يعلي ويعلي
لحد….ما أصبح عقيد،
تسلم الام اللي ربت
يسلم الاب اللي ضحي
جوة قلوبهم زرع الفرحة
كانو فاكرينها هتدوم
لكن رصاص الغدر حول
من فرحة ل حزن وآنين
