كتب – علي تمام
بعتني بكام يا صاحبي. وأنا إلى دايما شريك
وفي عزي وخيري وهنايا. كنت مقاسمني و شريك
وقت ما تقول اه. القي نفسي بتجري عليك
واتاريك واخدني مصلحه. وفي الصداقة ما ليك
ملعون أبو المصالح إلى عليها . تجري ولصاحبك تنسيك
تخليك. زي البحر موجه العالي على الشط للكل هالك
وايد في جيب صاحبك والتانيه فيها هلاك
وانا إلى كنت فاكرك صاحب وفي الصداقه ملاك
بعتني بكام يا صاحبي وايه هو التمن
فلوس ولا دهب ولا عمل ما ينفع يكون تمن
انا غالي وما اتقدر بمال ولا الدهب عندي له تمن
الصداقة والمصلحة مش ممكن يتفقوا
الأولى مخلوقه من.الوفا. وما يوفي غير الرجال
والتانيه مخلوقه من المال وما يحبها غير. الأشرار
اخترت تكون مصلحجي وانا كدا منك اكتفيت
لاني صاحب والوفا طبعي وعن المصالح استغنيت.
اخت كتير من وقتي. ولا مره في عمري اشتكيت
مش حقول انا وانا. وانت بكدا عندي انتهيت
انتهيت بلا رجعة. زي سحابه سوده و عديت
المتني كتير اوي . ولعدم رجوعها انا اتمنيت.
روح بعيد وإنساني. في زيك كتير حتلاقي
ولما تلاقي إلى زيك حتعرف قيمتي وزماني
ولا عمرك تاني حتلاقي زيي حد يملأ حياتك مكاني
بعتني بكام يا صاحبي وانا الي كنت علي كتفك بطبطب
وارسم علي شفايفك الضحكة الي بترطب
معقول هي الدنيا كدا ولا البشر بقي فيها عيب
اعيب عليكي يا دنيا ولا علي ناس هما اصل العيب
أقرأ التالي
17/01/2024
عودة قوية لمخرج الروائع مجدي أبو عميرة في السباق الرمضاني 2024
14/01/2024
عبد الحليم جزء من تكويني _ جيهان حكيم
24/11/2023
أحمد فتحي رزق يكتب” لا تقل مثقفا بل قل منبطح “
21/11/2023
خواطر مبعثرة ( هذا المكان ) _ جيهان حكيم
21/11/2023
صبري ممدوح يكتب” إنهم يقصفون الأقلام..أشرف الخمايسي ممنوع من الكتابة فى مصر؟!
07/10/2023
هو ليس أنتَ – جيهان حكيم
زر الذهاب إلى الأعلى