كتب – علي تمام
مبروك لمصر ولينا
فرحتنا وفرحة أهالينا
دموع الفرحه ماليا علينا
والأمل سابق خطوينا
والطموح سلاحنا
والعزم هدفنا
تفرحي يا مصر
رغم الصعاب
رغم التهديد
رغم التدمير
فرحتي يا مصر
وفرح معاكي كل جيرانك
اشقائك. احبائك
وسم في عين كل حسادك
دا شبابك يا مصر هو الي قادك
افرحي يا مصر يا عظيمة
صنعتي مجدك بايديكي
وسطر التاريخ خطاويكي
كل خطوة بهجه واماني
وصار دخولك للعالم كل الأماني
ضحينا ليكي بكل ما نملك
سواعد وحب ودا كل ما نملك
رفعنا اعلامنا. في شوارعك ودروبك
وغنينا يا مصر. النهارده يوم عيدك
ودمع العين سابق الضحكة
ووسع قدمنا الطريق والسكة
سكتك يا مصر. للسلام سكة
بالحب للعالم كله قدمتي
إنجازك للعالم اهديتي
قناتك للعالم يفرح معاكي
وفرحت من قلبي يا مصر معاكي
والدمعه من العين سابقه الضحكة
افرحي يا مصر. افرحوا يا أهالينا
مبروك ليكي الفرحة مبروك لاهالينا
