شعر : وداد الهواري
عايز تعيش جواها
عيش
لكن بلاش حواليها يتحول
موات
الحب طير أخضر،
وله جناحات وريش
بيرشرش الإحساس من السموات
يرمي السلام ف الســكة ع الأموات
له قوة تهزِم رغم ضعفه ………
ألف جيش
ولإنه فارس .. مش جـبان …
ما بينحنيش ،
ولا يستخبى خلف قضبان الســــكات !
حقَّاني عاشق للحياة ، والأمــــــنيات
وســـلاحه نور ..
لو شــــــقَّ بيه كل الطُرق .. ما بتنتهيش
ولا ينتفض قٌـــــدامه ســــــور
و ســـــــلاحك إنت ف ضلمته ……..
مهزوم ، ومكسور الجناح ،
ولا بيساويش جرحك
ف أســــــواق الســـــلاح !
صدقني بانصح فيك لحَـــدَّ الفجر
قوم صلي ………..
بتضِل أكتر
تنهزم ولا تختشيش!!!
