إيد واحدة

بقلم /نادية البسيونى

الجيش والشرطة والشعب إيد واحدة
يا بلادى حبيتك يا ام القلوب ساحرة
مهما يطول عمرى
عمرى ما اكون جاحدة

يا حنينة بطبعك
صوتك صدى قلبك
والعادى لو سمعه
يتمنى لو حرفه
يمسح فى يوم دمعه

ياام الهرم لاكبر
والبرج والأزهر
ده النيل على قدومك
طول عمره متعطر

يا هدية من ربى
يا منورة قلبى
قلبى وطن ليكِ
يرعاكِ يحميكِ
عينى قمر ليله
روحى دفا نخيله

يا بلادى نادينى
صوتك بيحيينى
فى نهارى أو ليلى
أمرك على عينى