د : محمد امين جاد
“هات، روح، تعالي، خد، اعمل، إمسك….” كل دي أوامر بتديها لطفلك فبيكون رد الفعل الطبيعي إن ميسمعش الكلام.
الأوامر دي بتحول الطفل لمجرد روبوت بينفذ الأوامر وده غلط جداً؛ لأن بيأثر على ثقافة التواصل مع الطفل وتنمية مهاراته العقلية واللغوية، وبالتالي بيكون رد فعل الطفل للأوامر دي إنه ميسمعش الكلام وينفذ اللي هو عاوزه بس.
علشان كده بننصح دايماً إن لما نطلب من الطفل يعمل حاجة معينة نخليها في سياق الموقف اللي بيحصل يعني مثلاً “هات اللعب علشان نلعب مع بعض”، “هات الريموت علشان نتفرج على التليفزيون مع بعض”.
أو ممكن طريقة الطلب تبين للطفل إننا بنحترم شخصيته ووجوده زي مثلاً “إيه رأيك تختار إنت اللعبة اللي نلعب بيها“
