اسليدرالأدب و الأدباء
بدوي عبدالباقي بدوي , يكتب في حب السودان ” يا بلدي اوجعتني اخبارك ” .
ب / اسلام الهاشمي الحامدي
داعي ليك
كلمات:بدوي عبدالباقي بدوي
لا ببدلك لا برضى فيك
انا روحي جد هنا في إيديك
بلدي يا بلد النضال
يا سمحة يا كلك خضار
مكسية بعفة ودلال
حتى الجمال مديون إليك
السمرة دي كاسيانا لون
تميزا لي انا بس بكون
حامياني من سوء الظنون
كل الشهامة منك وفيك
لامينا من كل الضياع
حامينا من غدر الضباع
ما بحتمل لحظة وداع
انا قلبي دا نبضو عليك
لو فكرو الاعداء اجوك
احميك انا من كل عدوك
لو قالو شبرا إلمسوك
والحبة دي ما اظن تجيك
بتمنى ديمة تعيش سعيد
تنعم رخاء وتلبس جديد
فتن الحروب تبعد بعيد
من قلبي دا انا داعي ليك
