بقلم : اسلام الحامدي .
همسات القلوب . غاده محمد . كاتبه مصريه .
النهاردة موضوعنا عن الخيانة بس مش الخيانة الزوجية
موضوعنا عن خيانة الاهل والاصدقاء
كتير مننا اتخان من اصحابه واتجرح منهم لكن خيانة من الاهل دي اللي صعبة فعلا
بيقولوا اهلك لتهلك وكمان اللي مالهوش خير في اهله مالوش خير في حد
طيب تعالوا نشوف مشاكل اصدقائنا بعتوها تخص موضوع خيانة الاهل والاصحاب
………
اول مشكله بتقول صاحبتها انا كنت بحب واحد اوي كان كل حياتي ابويا متوفي وماليش اخوات فحبيت اعرفه علي ماما وانه معملش حاجة من وراها بعد فترة لقيته متغير معايا ومش بيتكلم زي الاول وبيتخانق معايا علي اهيف سبب وانا مبقتش قادره اتحمل
اخر خناقه بعدها بيوم قولت هحكي لماما علي التغيير ده واشوف رايها قربت من اوضتها سمعت صوت شاب صغير يشبه صوته بصراحه كدبت ودني وقولت ادخل اشوف فيه ايه وياريتني مادخلت لقيت في حضن امي و……. مش قادره اكمل المهم انا دلوقت سيبت البيت وقاعدة عند عمي وماما بتحاول تعتذر وترجعني بس انا رافضه ده هل كده انا غلط ياريت يااستاذه غاده تقولي رايك وتخلي الناس تقول رايها
_بصراحه مش عارفه ارد اقولك ايه بس ربنا ورسولنا الكريم وديننا وصانا بالام فيها زفت فيها نيله خاينه بردو امك اه انا مش معاها في اللي حصل بس افتكري انها ربيت وحملت فيكي وسهرت الليالي وعلمتك اعتذرت اقلبي الاعتذار وارجعي واللي حبتيه ده اعتبريه مات ومالوش عزا
…………
تاني مشكلة بيقولنا
انا كان ليا صاحب من اعدادي لحد دلوقت صاحب عمري وبنا عيش وملح وعشره حتي لما حبيت وخطبت عرفته علي خطيبتي وكلمها من ورايا وقالها كلام في حقي اقذر كلام ممكن تسمعيه ورميتلي الدبله وهزقتني في وسط الشارع وقالتلي صاحبك انضف منك اتكسرت وفكرت انتحر بس قولت مش دول اللي يستحقوا اموت كافر عشانهم تفتكري يااستاذه انا غلطت في ايه استحق ده ياريت الرد من غير تجريح
_ردي انك غلطت انك عرفتها علي ندل زيه وبعدين خطيبتك مالها ومال صاحبك تعرفها ليه عليه الغلط من عندك مش عنده هو عيش حياتك وانسى وبكرة ربنا يعوضك
………..
