بقلم هاني رشاد
ايوه بقولك انت يا مصري انزل انتخب رئيسك واستعرض قوتك احنا مش بنخاف من حد ولا منظمات حقوق انسان ولا حيوان ولا مجتمع دولي ولا من امريكا ،شعب مصر بس اللي يقرر انزل مش علشان منظرنا قدام العالم لا،انزل علشان تستعرض قوتك وتعرف الكلاب من كل انحاء الارض ان عصر الانقياد انتهي وان مصر ورئيسها وشعبها هما من يقودوا ولا ينقادوا .
وسيبك من كلام العبط بتاع الاخوان والنشطاء المزعومين والممولين اللي بيحاولوا يهمدوكم بكلمه مقصوده ما الرئيس ناجح ناجح هننزل ليه ،قوله عارف ومتأكد انه ناجح باذن الله بس نازل علي الاقل علشان اشكره واشكر جيشي وشرطه بلدي علي ارواحهم التي قدموها فدائا لنا. نازل علشان اقوله انا معاك وبساندك ومقدر تعبك ومجهودك.
فكر كده شويه وحكم عقلك لو انت شغال في مكان خربان بمعني الكلمه وتعبت اوي لغايه ما المكان ده بقي مكان محترم وبدأ يشتغل وطُلب من العمال انهم يختاروا واحد للاداره ،والعمال اختاروا حد غيرك اكيد طبعا هتزعل ان حد غيرك بيجني ما قدمت يداك صح الكلام ولا لا.
احنا بقي عندنا رئيس لا يطمع في حكم ولا منصب ولا اي شئ الا ان تصبح مصر ام الدنيا قويه الايستحق ان يجني ونجني معه نتاج تعب ال4 سنوات الماضيه واستكمال البناءوتطهير الارض من الانجاس، وهل يوجد من هو اجدر منه بحكم بلد بحجم مصر التي رجعت لنا بفضل الله ثم جيشنا وشرطتنا وشعبنا العظيم،لقد رجعت مصر لقياده الامه العربيه والافريقيه ،رجعت مصر الي مكانها الطبيعي بل رجعت مصر اقوي مما كانت عليه اضعاف مضاعفه.
انزل لنستكمل معا مشوار البناء ولاستكمال الحرب علي الخونه والارهابين .
انزل كمل مشوارك وحربك من اجل بلدك حتي يتطهر كل شبر في ارض مصر من الخونه والارهابين.
وتحيا مصر قويه ابيه عظيمه رغم انف الحاقدين والخونه والمتأمرين.
