كلمات الشاعر/ عاصم السمان
أيدك فى ايدى
يا ابن بلدى مدها
وعاهدني تبقى مصر منك
وأنت تبقى منها
أنا مش مصدق اى مصرى
يوم يخون ارض الوطن
اللى يخون مصر الحبيبة
يبقى دا مش ابنها
**
أيدك فى ايدى
يا ابن بلدى مدها
لو مصر رجعت يوم ورا
لازم حبيبى نشدها
نحمى تاريخ ارض الحضارة
نحمى نيلها ومجدها
لو كنت خاين ولا ريحة الغدر فيك
اللى يخون مصر الحبية
يبقى دا مش ابنها
****
يااللى أنت عايش
طول حياتك ظلها
تاكل فى خيرها
والأمان فى حضنها
معقول يكون رد الجميل
تهدم وطن
تمسك سلاحك كل يوم وتزلها
اللى يخون مصر الحبيبة
يبقى دا مش ابنها
****
فكر فى بكرة
كل دا محسوب عليك
شوف مين يسامحك
لو بلدنا تهون عليك
ابنك يقولك أنت خاين للوطن
حتى التاريخ بكرة يكون
شاهد عليك
ازاى نسيت سهر الليالى
فى حضنها
اللى يخون مصر الحيبة
يبقى دا مش ابنها
******
مصر اللى ساكنة جوا قلبك
بتناديك
ابعد شيطانك يا حبيبى
عن عنيك
شوف التراب اللى انت
بتضحى بكرامته
تحت التراب شوف كام بطل
بنو مصر ليك
ازاى تفكر يوم تخون
وتهدها
اللى يخون مصر الحبيبة
يبقى دا مش ابنها
ايدك فى ايدى
يا ابن بلدى مدها
ـــــــــــــــــ
مع اجمل تحياتى الشاعر/ عاصم السمان
أقرأ التالي
28/04/2024
الرئيس السيسى يجرى جولة داخل مركز البيانات والحوسبة السحابية الحكومية
17/01/2024
عودة قوية لمخرج الروائع مجدي أبو عميرة في السباق الرمضاني 2024
14/01/2024
عبد الحليم جزء من تكويني _ جيهان حكيم
04/01/2024
مسلمات _ جيهان حكيم
24/11/2023
أحمد فتحي رزق يكتب” لا تقل مثقفا بل قل منبطح “
زر الذهاب إلى الأعلى