الناس الشمال علامه والاتجاه الغالب بالسلامه انت عارف الدنيا ماشيه بضهرها ،نجد ان الاشا ره الاتجاه شمالا اجباري .
فالجميع مضطر للدخول شمالا والا اخذ مخالفه وعرقله سير الطريق هكذا الايام الجريئه في مصر المحروسه .
شعب جميل بيحب الضحك والتريقه ويجب الشاي بالمعلقه سكر بره لانه صاحب مزاج وتريقه .
تضرب فيه تلاقيه جنبك تدلعه تلاقيه واكلك اوعى تنسي قص ولا مزاج ولا سلوم هي القعده مالها مريحه حتى الشارع فيه فاضى وقت الماتش بعدها تكسير ونحيب وخناق على ايه ده لعبه تضيعك لا تفهم فيها ولا تعرف اهلها .
وقهوه مليانه ليل نهار بناسها والشارع كله انتظار عربياتها ومفيش حد فى بيته من اساسها
حتى وقت الذروه مابقى الطرق زحمه دلوقتى اليوم كله لا تعرف مين في شغله ولا مين في بيته كأن الارض بدرت ناس من اساسها يحب اللعب والتهريج والفهلوه ويجيبها وهى طايره لا تعرف مين الصح ومين الغلط
من كثر الشمال شكت ان اليمين حود كمان .
دكتور عظيم حلف يمين لاقيناه جزار بنى ادمين بيبع فيهم في سوق الحتت .
استاذ جامعه مشهور لاقيناه بيتحرش بطلابه ويصورهم ونسى انه راعي ومسئول .
مهندس غاب ضميره وميل البيت ووقع الكوبري وبوظ طريق .
مدرس فاضل ضيع جيل ونسى ان العلم رساله تزوج طالباته عرفى وشرب سيجاره وخلص دراسه وباي وسقط طلابه عشان المعلوم .
محامي شهير اكل الاونطه وباع شيكات وضيع امانه نسي قسمُه وضميره .
موظف فتح درجه وخد الاوبيج ومشي الدنيا والمصلحه.
عدت وضيع حق ناس لأجل الاوبيج .
بنت قصرت الطريق ولبست شيك ودخلت سوق الجواري عشان تجاري الموبايل وتلبس لبس شيك وتاكل ايس كريم بالمعلقه .
وست تخطف اطفال تبيعهم تشغلهم تتأجر في اعضائهم .
وتجار خالفوا الدين وميزانهم اكلوا الناس الاونطه وعبوا الشمس في ازايز وباعوها .
واصبح الجميع تجار اثار وتجار مخدرات وتجار عمله وتجار اراضي مضروبه وضرب مستندات مزوره .
بلد غريبه اصبح فيها الدكتوراه بورقه ومستشار التحكيم والسفير والمهندس وكل شئ مضروب علي القهوه ورقه بيضاء وملونه ومختومه ومزركشه علي القهوه بكبايه شاي. خمسينه لو معرفه او ثلاثمائه جنيه ثمن الكارنيه .
عادي ماحدش عارف حاجه ولا فاهم حاجه .
ما التعليم بقي دولى وبفلوس والجامعه بقت سبوبه
وفهلوه .
والشغل صعب وواسطه مهببه وفلوس ورشوه ومحسوبيه ما هو كله شمال يا سيدنا .
كله نايم ومطنش وعارف ومكبر ياعم عديها ياعم سيبها دنيا فانيه القطر فيها بيعطل 7ساعات بعد ميعاده. كل علي قد فلوسهم بيشتغل والاتوبيس مليان علي اخره والتوكتوك مالي الشوارع يجري ويرمح ويسرق ويخطف ولا حد داري والقهاوي سارقه شارع والركنه فيها ايجار وتدفع كارته وانت رايح وانت جاي .
اقولك ايه ولا ايه ..هي الاشاره شمال ولا ايه ولا الغلط علامه والدنيا دايره ودوامه هي الناس كلها شمال كله همه على بطنه والسيجاره التمام وننام
لا بقي في ضمير والسياسه بقت سرقه ونصب وضحك علي الدقون
ولا تزعل يا سيدي ده الثالثه شمال ، وعتبه عتبه عتبه ..عبود عبود …شبرا شبرا بقت بلد الميكروباص لا تعرف تمشي فيها من رصيفها محل مغطيها والعربيات ركنه والقهاوي فارشه ومافيش مكان للمشاه هي بلدي ولا اتأجرت وناس غريبه سكنوها انا مش عارفها مش هي ده ولا سرقوها .
