بقلم محمد محزم
الكوره فى مصر
بقت مزادات
والكل بيعرض ملايين
وراحت على زمن الألوفات
والواد حكشه ابن بهيجه العمشه
خد لوكشة دولارات
وهوخالى من المهارات
بس وكيله سمسار شاطر
وبيعرف يضحك عالبهوات
وخزاين نوادينا العامره
تطلع منها الشيكات
وهو كله مناسب للعصر
ما هو ده عصر المزادات
وهى حدوته
وحتشغل كل القنوات
وييجوا الخيرا
ويحكوا بالساعات
فى مزايا الواد حكشه
وسر اللمسات
وازاى باصا الكوره لحنكش
وفرح من الجماهير ألوفات
وكله ماشى حسب الخطه
وهى حاجه تلهى الناس فى التفاهات
