الشاعر العقيد محمد هيكل ياللي شايـل ف المشـاعـل …. و الندالــه بقالهــا صـوت

مـش هنبقـــى ألــف مِـلّــه …. مش ح يهزمنــا الفــراق
صعــب جـدا نبقـى سـوريـا …. و لا ليبيــــا .. و العـــراق
إحنـــــا لينـــــا رب واحـــــد …. و الوطن ف قلوبنـا واحـد
مهمـــا من بـــره اختلفنـــا …. مصــــــر جـوانـا اتفـــــاق
.
مصر وِحْـده غريبـه جـدا …. صعب تبقى ف يوم فريسـه
إبن عمي إسمه جرجس .. وابن خالتي اسمه عيسى
فيها قبطى بأحلى صوره …. صــام معايـا صيام عاشورا
فيهـا مسلم صلى فرضه …. عادي فوق ضهر الكنيسه
.
إفهمـوا يا نفـوس مريضـه …. مصـــــر حالــه بنشتهيهــا
كل ما تقيــدوا ف حريقـه …. كل ما نـدوب عشـق ليهــا
مصـر باقيـه غصب عنكم …. خافـــوا يــوم تتبـــرا منكـم
ياللي ماسكيـن ليهــا ذِلّـه …. إنتــو أســـوأ ذِلّـــه فيهــا

.

**********************************