بقلم : محمد محزم
الكلام ممنوع
والقلب موجوع
والعين عميت
من كتر الدموع
على وطن تابع
وفى الأصل متبوع
حتى الرضيع شاب
فى يوم السبوع
من حزنه على دم
سال من غير موضوع
وطلعت أرضك الطاهره
حامل من الجربوع
وكل الحكايه عقد عرفى
ونغطى على الموضوع
والمهر فى سويسرا
بالضمان مشفوع
ومركب الكرامه
كسروا شراعها والقلوع
وكل اللى مطلوب منك
ياوطن توافق عالخضوع
وتنام على وشك
علشان يبقا الخزوق موضوع
أيوه جااااااااااااااااااااااااااااى
