اصعب ألم

بقلم / منال راتب
اصعب ألم لما تكون دمعه في عين اقرب حبيب
وانت عاجز واقف صنم
اصعب ألم لما يكون قلبي علي دمعه انفطر
ومش قادرة اكون بلسم يداوى جرحك يا غالي
اصعب ألم لما تكون قدام عنيا مهزوم ضعيف ومملكش غير قلب اتوجع
لو كان بأيدي يا حته مني اطوى الالم
مبقتش قادرة يا اغلي ما عندي
اشوف بعيني كسرك وحزنك
ومكنش ليك فرح وامل
يا رب لينا قلوب حزينة
دايما دموعهم قدام عنينا
ارجوك تهون والجرح طيب
وامسح دموعهم هون وجعهم
مبنعترضش يا رب ابدا
راضيين بحكمك طالبين معونتك
ولمين هنشكي هما اللي لينا
يا رب صبر قلوب حزينة