كتبت/بسمه عطيه
هى دى مصر
واقفه وصلبه
مع انها منهم مغتصبه
اعلام بيطبل على الهايفه
اعلام فاشل وبوشين
اعلام عايشنا على الدين
مش شايفين غير بس ضياع
ومش عارفين رايحين على فين
لما الاقى الآكل بيغلى
وكل حقوقى بقت متكلى
وان فكرت يطلع صوتى
ابقى عميل ومن الخاينين
مش محتاج غير ان اعيش
بس كرامة ولقمة عيش
عيشه بسيطه ومش طايلنها
وادى رقابنا عليها دايسين
لا انا محتاج اسكن ع النيل
ولاينفع الاقالى بديل
ميت فيكى
وعايش ليكى
وخيرك كله لناس تانيين
