بقلم سوزان احمد
فى القلب حكايات كتير ——– هموم شيلتها كتير
نفسى تخرج بقى ——-الحمل عليا بقى كبير
نفوس الناس بقت كده ليه؟؟ ——-مواقفهم سلبية كده ليه ؟؟؟
بصوا وشوفوا نفسكوا ——– كنتوا ايه وبقيتوا ايه ؟؟؟
فين الضحكة اللى بتخرج من القلب ؟؟——من غير هدف ويا ترى وراها ايه ؟؟؟
فين الشهامة والمروءة ؟؟؟؟؟——- وديتوهم فين ؟؟؟؟؟؟
فين الشجاعة والجراة ؟؟—افتكروا خالد ابن الوليد وصلاح الدين
ازاى باللى جواهم تعبوا وحاربوا —–كل ظالم باراة وعزيمة وقوة دين
مفيش مستحيل معاهم ——- طالما القلب صامد والرب حاميهم
نسيتوا كل ده ؟؟؟——– ده تاريخهم وسام شرف على صدر كل واحد منكم
قلدوهم فى اصرارهم——- وان كان ده مرض ادعوا ربنا يعديكم منهم
يارب تتحركوا ——- وتعرفوا تغيروا مصيركم
باديكم لفوق تخلوه ——–وباديكم برضه تنزلوه
المهم بس تبتدوا —– اسعوا وجاهوا وبلاش تترددوا
كثفوا جهودكم——– وبالحب وحدوا قلوبكم
هتلاقوا الحال اتغير ——- والدنيا بقت جميلة فى عيونكم
بس انتم شدوا حيلكم ——والنصر باذن الله حليفكم
طالما النية صافية —— بارادتكم واصراركم تقوى عزيمتكم
