بقلم / علي محمود الصياد
فى يوم من الأيام حصلت لي حاجه ولا فى الخيال ..
شفت بلادي زى ما حكوا لي عنها في الروايات زمان ..
بهية الحسن فيها كل الجمال ..
أميرة صاحبة جاة ومال ..
بقيت فى حالة إستغراب والكل من طلة حسنها شديد الإعجاب ..
قولنا دي حورية .. مش ممكن تكون إنسية
الكل فتح لها الباب ..
سلمنا نفسنا ليها .. و روحنا ملك إيديها
حطينا التاج عليها ..
و رمينا الروح فى حضنها .. حضنتنا من غير عتاب ..
من كتر جمالها وحلاوتها ..
حلفنا ماعدنا نسيبها ..
ده هي الأرض والعرض ..
الله !!!!!!!!!!
أرض .. حضارة .. تاريخ .. جاه و مال !!
تاريخ … !!!؟؟؟؟
هو فيه إيه ؟؟؟!!!
قوم .. أصحى ..
لقيت لك كتاب التاريخ اللى منك تاه !!!!
الله …!؟
ده .. صوت أمى .. اآآآه صحيح هو أنا فين ؟!!؟
في سريري ونايم كمان ؟!…
و ميعاد مدرستي فات
كان كتاب التاريخ مني تاه ..
وخايف أروح مدرستي من العقاب ……!!
و رحمتني أمى لما لقت الكتاب …
صحيت بسرعة و طلع كل دا حلم من أحلى الأحلام
الله يا بلدي هو أنا ليه مش مولود من زمان !!
كان زماني عشت فى الحقائق مش ع الحكايات ..
بس أكيد بكرة هيكون أحلي من اللي فات زمان
