حوار : شرين سعيد
فنان شاب ذو اطلاله خاصة ونجوميه متميزة يتمتع باسلوب راقي في تقديم فنه والجميع يؤكد انه يمشي بخطي ثابته واثقه
وله مستقبل واعد وذلك لاحترامه لفنه وتقديره لجمهوره من منا لم يتعلق بالصاحب المخلص لهنيدي في عندليب الدقي (شكري) (ورماح) في هبه رجل الغراب ؟؟
الفنان الشاب حمادة بركات :
من مواليد مدينه القاهرة في 9يناير حاصل علي ليسانس الحقوق جامعة القاهره وليسانس الاداب جامعه الإسكندرية.
الفنان حمادة بركات : حوار صريح
حوار /شيرين سعيد
اهلا بحضرتك معانا في جريدة العالم الحر:
كيف كانت بداية حمادة بركات؟
البدايه الحمد لله لم تكن صعبه جدا ولكن ايضا لم تكن بالسهوله المتوقعه البدايه كانت مسرح اشتغلت حوالي 70 عرض مسرحي
تقريبا حوالي 1000 ليله مسرح
سواء في الجامعه ، في الهناجر ، المسرح القومي ، مسرح الشباب مع خالد جلال ومن مسرح الجامعة لمسرح الهواه ومسرح القطاع الخاص مع الفنان احمد بدير مسرحيه اللعب في الدماغ في خالد الصاوي ، ذكي في الوزاره مع الفنان الكبير حسين فهمي
ومسرحيات كتيره وده اهلني اني يكون عندي روح الارتجال والكوميديا
وطبعا البدايه كانت البدايه الشرعيه لاي حد من خلال مسرح المدرسة ومسرح الجامعه واخذت جوائز ممثل اول
وممثل ثاني مساعد وجوائز اخري علي مستوي الجمهورية
بعد ماأخذت ليسانس الحقوق اشتغلت شويه بالمحاماه
بس لاسف لم تكن حلم لي ،
وبعدين التحقت بكليه الآداب جامعة الإسكندرية قسم دراسات مسرحية وكان سفر وتعب ومشقه بس الحمد لله أخذت الليسانس والتحقت بنقابه المهن التمثيلية وبقيت عضو قانوني الحمد لله
ربنا حباني بموهبه حبيت انميها واحافظ عليها
ودي بدايتي الحمد لله.
المقوله المشهوره لكل فنان علي اعماله :
(كلهم ابنائي)
هنا يحضرني سؤال مهم هل كل اعمال الفنان حماده بركات ابناؤه فعلا ؟ وماهو أحب اعمالك إلي قلبك ؟
انا ضد مقوله كلهم أبنائي
الممثل عنده التزامات ومسؤليات وظروف كثيره
احيانا بيشتغل علشان يصرف علي بيته زي بالضبط كده دورضابط لون رمادي لا يوجد به اي ملامح تمثليه فبنفذه علشان اعمل علاقات مع المخرج لان المخرج ده مهم او شاطر فبيعوضها ليا اكيد فى حاجة ثانيه .
اما بموضوع كلهم أبنائي الابن المثالي لوقتنا هذا هبه رجل الغراب دور (رماح)
بحب كست العمل وهو طور حب الناس ليا طول الوقت والناس اصبحت في كل مكان بتنادي برماح
طبعا دوري في عندليب الدقي (شكري)
أدم وجميله (حسام بيه)
القاصرات (دكتور شكري)
مع الفنان الكبير صلاح السعدني
واخراج المتميز مجدي ابو عميره
وليا كمان دور جميل في مسلسل حب لايموت تم عرضه علي قناة النهار
دور مهم المحامي الفاسد (جلال) تاليف احمد صبحي وإخراج محمد النقلي
كل دي ادوار مهمه وبحبها جدا
وبتسعدني عند عرضها في التلفزيون
وفيلم حياتي مبهدله لنجم (محمد سعد) من الادوار الكويسه ليا علي قد ما ظروف عرضه في السينما لم تكن مناسبه الا انه عند عرضه في احدي القنوات الفضائية الناس أعجبت به الحمد لله
دول عموما ابنائي حاليا،
الباقي نقدر نقول تواجد وبس .
ياتري ضيفنا يحب ان جمهوره يصنفه ممثل كوميدي ، تراجيدي ؟
نجم سينمائي ، تلفزيوني ، مسرحي ؟ ام طبيعه الدور ونوعه بيفرض نفسه علي الفنان ؟
بالنسبه لموضوع تصنيف الفنان انا ضده
انا بعمل الدور وانفذه لما بلاقيه حلو بشوفه واعمله
مش ببكون دور تراجيدي اخليه كوميدي والعكس
بعمل حاجة لا يكون فيها الحاح علي الكوميديا .الكوميديا زي الكمياء لو وضعنا مواد علي بعضها بتكون كوميديه جميله ، اضفنا حاجة زياده ﻷسف بتكون مش حلوة
وطبعا بسيب الناس تحدد وتشوفني في اعمال كثيره ولو عاوزني اروح لدور كوميدي بروح طبعا . لاني بميل فعلا للكوميديا واحب تصنعيها .
ما هو الجديد في أعمالك الفنية ؟
الجديد ان شاء الله وخصوصا اننا خلاص حنبتدي اجازة نصف العام
(عصمت ابو شنب ) للنجمه ياسمين عبد العزيز تاليف خالد جلال واخراج سامح عبد العزيز انتاج احمد السبكي مع ظافر عابدين والقديره رجاء الجداوي
وان شاء الله مسلسل الكيف لمحمد النقلي وده في رمضان القادم مع باسم السمره واحمد رزق ومجموعه كبيره جميله .
ومسلسل راجل وست ستات ضيف شرف فيه وفي رمضان أيضا ،
وفيلم (عمود محمود) في الصيف ان شاء الله
ويارب يعجبوا جمهوري الحبيب .
وراء كل فنان اكيد زوجه متفهمه وواعيه لطبيعه شغله وفنه ياتري دور الزوجه ايه وخصوصا ان تقريبا حياه الفنان مش ملكه بتكون اوقات كتير ملك جمهوره
ازاي هي قدرت تعمل توازن ودعم في حياتكم الاسريه وحياتك الفنيه ؟
الحمد لله ربنا هداني بهديه جميله بزوجتي
سند ليا في الحياه وشغلي وطببعته صعبه جدا والممثل حياته عشوائية شويه ومش دائما السهر والحياه الي الناس متخيلاها
بالعكس
فيه اوردارات من بدري من 6 صباحاً ل6 مساءاً فكله نهار ومن بدري من الفجر وبالليل لازم نوم بدري وتحضيرات فهي بتساعد وبتتحمل كل حاجة
وصبرها معايا لما بيكون العمل متوقف ، نوعيه ادوار مش متقبلها ،
وكذلك هي متقبله حب الناس وبتساعدني في كده جداً
ففعلا ربنا يخليها ليا ويدمها في حياتي .
الاولاد في حياه الفنان اكيد بيلزموه بمسؤليات كبيره تتمني أولادك يكملوا مشوارك الفني ويدخلوا المجال السينمائي ؟ ودور النصيحه هنا ايه لللأب قبل الفنان؟
بالنسبة لبناتي عندي كرمه 8 سنوات
وكنده 6 سنوات
كرمه مثلت شويه
مثلت في مسلسل فرعون مع الراحل خالد صالح
ومسلسل أدم وجميلة
عملت كام إعلان لطيف .
كنده عملت إعلانين وتتمتع بخفه ظل في الحياة والاثنين بيحبوا جو المسرح وراحوا مسرح مصر وحبوه جدا .ً
دوري كأب ونصيحتي ليهم لا أتمني انهم يكملوا لان الوسط الفني كله أرهاق وتعب ولا احب أن انتهك طفولتهم ،
إتمني يعيشوا حياه طبيعية ولا يكون عندها غرور بنفسها وهي في سن صغير
وربنا يقدرنا ونقدر نعملهم كل حاجه حلوة لانهم اغلي حاجة في الحياة.
ماهي طموحات حماده بركات ؟
أهم طموحاتي احب اصل الي قلوب الناس مش تواجد وبس
بفرح بإبتسامة الناس لما تشوفني مش مجرد شايفه ممثل ووخلاص لا ده بيكون حب نابع منهم
أحب أوصل للسينما ونفسي طول الوقت أوردارات سينما لان السينما هي الي بتحقق المجد وهي التاريخ المتواجد دائما وطول الوقت الفيلم بيتعرض بصوره متكرره .
أما المسلسل مهما حقق نجاح بيظهر فتره ويختفي فترات
بحب السينما وبذهب إلي أوردر السينما وانا في مود حلو
ده حلمي للسينما وان شاء الله اكون قد السينما
ولكن الحب الأول للمسرح .
سعدنا بلقاءك ونتمني لك التوفيق في اعمالك وحياتك ،
ومزيد من ادوار جديدة وجميله ومميزة ان شاء الله
شكرا لكم وكل سنه وانتم بخير ومصر كلها بخير .
