كتب / رؤوف قنش
من المؤسف أن تعرض اللحوم فى شوارع المنصورة بهذا الشكل المهين وتجوب الشوارع على سيارات ربع نقل وتوزع على الجزارين وتلمسها أيادى كثيرة مما يسهل دخول الميكروبات والجراثيم القاتلة والرقابة معدومة تجاة هذا الجرم المرئى وعلى الملأ مرور الدقهلية يقوم بتفتيش سيارات الأجرة والملاكى فكيف لة أن يترك ويتغاطى عن ذلك يا لة من مشهد مؤسف يجب إلقاء الضوء علية .
جريدة العالم الحر إستطلعت بعض الأراء حول هذا الموضوع وكانت الأراء كالأتى .
فى البداية تقول الأستاذة إيمان سماحة المشكلة إن فى المجزر إللى هى السلخانة بتترمى على الأرض عشان تتسلخ وتتعلق على العليقة علشان تتفحص وتتختم يعنى هو كدة تمام وكتر خيره أوى أوى إنه دبحها فى السلخانه .
الأستاذ احمد شرف يقول المفروض من وزارة الصحة وكذلك الطب البيطرى و التموين وأعضاء مجلس النواب وضع شروط لنقل اللحوم و تصميم محلات الجزارة وكذلك محلات بيع الطيور الحية قبل التراخيص بها وتوفيق الأوضاع للمحلات القائمة خلال مدة سنة بدلا من المهازل التى نعيش فيها
ويقول الأستاذ محمد محسن ده مش ممكن ينقل فيروسات مثلا ومش بكتريا من نفسها لأننا بلد إسلامى وبنطبخ اللحمة كويسة ده هيقتل الفيروسات ده لو ممكن يعنى إنها اتعدت بالفيروسات أو البكتريا من التلوث الناتج من الإيدين والشيل والعين .
الأستاذة إبتسام مؤمن تقول المشكلة واللى بتنقل البكتريا والفيروسات انها تكون داخل اللحمة نفسها يعنى دبيحة مريضة وإدبحت وساعتها الغليان نفسه مش بيقضى على كل الأمراض ولا الفيروسات ولا البكتريا والتسمم إللى بينتج من الاكل .
الأستاذ محمد مسعد في منيه النصر نشاهد مثل هذا وبالذات يتم ذبح مواشي مريضه ويباع الكيلو ب ٥٠ جنيه تعالوا شوفوا بأنفسكم.
ويقول الأستاذ ايمن المغازى يا باشا شوف حال المستشفيات و المدارس والمباني الحكومية شوف الشوارع شوف المطاعم شوف حتى المناطق الأثرية شوف نهر النيل شوف برامج التليفزيون شوف الأفلام والأغاني شوف مجلس الشعب تعرف مصر فين بالظبط .
الأستاذ جمال السيد يقول إحنا لما بنشترى لحمه بنقول إيه فى البيت لبعضنا ؟ حط يابنى اللحمه فى التلاجه ماتسبهاش كدا بره على مانطبخها مش كدا ؟؟؟ آة ونسينا خالص إن اللحمه إللى إشترينها معلقه عند الجزار من الصباح حتى المساء أمام المحل على العلاقه وهى معرضه لأتربة السيارات وإلتقاط الروائح الكريهه والخ وقال أيضا بخلاف حتى أى دوله عربيه اللحوم تقطع فى الفجر وتقسم كل نوعيه منها فى سرفيس ألومنيوم وتوضع فى الثلاجه الزجاجيه وكل نوع عليه سعره حتى فى اصغر المحلات .
الأستاذ أبو شهديقول المفروض إللى يشوف مخالفة أو مشكلة ذى دى يصور نمرالعربية ولو قدر التبليغ عنه مباشرة طالما المسؤلين مش عايزين يشتغلوا احنا نشغلهم مش كدة ولا إية .
يقول الأستاذ احمد مراد طبعا أمال الفيروسات والأمراض بتيجي للناس منين لكي الله يامصر.
