كتب لفته عبد النبي الخزرجي /العراق – بابل
المطر …ينزل غيثا
ويروي ظمأ …
وتخضر ألأرض ربيعا ..
وتنبسط الخضرة مراعي وكلأ…
وهكذا نطق القرآن …”وترى ألأرض هامدة فإذا أنزلنا عليها الماء أهتزت وربت وأنبتت من كل زوج بهيج ”
لكن المطر في ربوعنا ملعون !!!
القصيدة :
مطر مطر … جانه مطر
ضيع دربنه وألأثر
وأصبحنه نسرب بالسيان بلا
علامة ولا إشارة ولا وتر
وغرگت منازلنه وطفت
وتعطلت اعمال البشر
مطر … مطر ..جانه مطر
ضيع دربنه وألأثر
وبين الفاسد وإنشهر
مطر مطر … جانه مطر
بين حرامينه وظهر
كل الشوارع والمدن
غطاها طوفان المطر
وبيوت اهلنه تعرضت
موحان جاها وسوربت
ولا عرفت ابدا مستقر
ومتواصل ويانه يزخ
ما بطل إهطول المطر
مطر .. مطر .. جانه المطر
ضيع دربنه وألأثر
مطر مطر .. جانه مطر
غطه الحواضر وإنتشر …
وينزل مثل جربة حضر
تچلت ولا توگف دهر
بيوت الحواسم والتنك
طافت مثل طاسة إبحر
ولايتنه شارعها نهر
والناس تدفر بالسيان
بلا مسافة ولا سبيل ..
ولا مقر …
دوهن الوادم هالمطر
مطر مطر … جانه مطر
بين حرامينه وظهر
ضيع دربنه وألأثر
مطر .. مطر .. جانه مطر
رحمات تنزل للبشر
بس عدنه ملعون المطر
بس إحنه نغرگ نندعي
يارب .. بطل هالمطر
ماندري خيرات وثمر
ألأرض تخضر والشجر
المطر رحمة لهالبشر
بس عدنه ملعون المطر
مطر مطر .. جانه مطر
ضيع دربنه وألأثر
مطر مطر … جانه مطر
وإتكشَف الفاسد … ظهر
بان الحرامي وإنشهر
ياناس يا مسئولين ؟
مو رحمه ينزل هالمطر ؟
خبرات عدنه بلا عدد
وخيرات مليان البلد
بس ما إجانه اليحترگ
گلبه… ويعمر هالبلد
كلها تدور جيبها ..
ومتروك غرگان الوطن
وچم دوب نبگه بهالمحن ؟
واجب نغير حالنه …
ونختار مخلص اريحي
يخدم بلدنه بلا ثمن
إيده نظيفه.. وللوطن
يعمل ويدفع كل ضرر
مطر مطر … جانه مطر
ضيعنه كل صورة وأثر
بين الفاسد وإنشهر
مطر مطر … جانه مطر
ضيع دربنه وألأثر
غرگت مدارسنه وصفت
اهوار ومعالم اثر
إسبوعين صار معطلة
دور العلم شاخه ونهر
مطر مطر .. جانه مطر
ضاعت معالمنه وغدت
لا صورة إلها ولا أثر
مطر مطر .. جانه مطر
ضيع دربنه وألأثر
مطر مطر …هذا المطر
سونار يكشف كل غبر
وكل فاسد …يسوي الوطن
خزنة ويعبرها البحر
والناس تتلاطم بگت
غرگت منازلها وطفت
وتعرف تأشر عل الخلل
ميزان عدها والزلل
واضح مثل غيمة مطر
يكشف مخازيها المطر
مطر مطر … جانه مطر
غطه الشوارع والحفر
وإنفضحوا … بسيل المطر
مكشوفة صارت للبشر
والفاسد اللابد دهر
مفضوح اصبح بالمطر
مطر مطر … ينزل مطر
يفضح مناصب بيها شر
مزروعه على الكرسي زرع
تاكل اليابس والخضر
مطر مطر … جانه مطر
ضيع دربنه وألأثر
و موحان صارت ديرتي
وبيوت زعبلها المطر
مطر مطر .. جانه مطر
غطه الشوارع وإنتشر
وبين الفاسد وإنشهر
عرفنه حرامينه الغبر
مطر ..مطر .. جانه مطر
ضيع دربنه وألأثر
مطر مطر… جانه مطر
عرفنه حرامينه وظهر
مكشوف بس عنده ظهر
مسنود وحسابه طفر
ولو ضمه مجلس يفتخر
يقرى كتاب الله وسور
ويدعو الله ما ينزل مطر
مطر مطر … جانه مطر
خله الحرامي بلا غطه
مكشوف للوادم ظهر
مفضوح اصبح والشعب
يعرف حراميه .. وظهر
مطر مطر .. جانه مطر
بين الفاسد وإنشهر
مطر مطر .. ينزل مطر
يكشف الفاسد والغبر
ومطر مطر ..جانه مطر
ضيع دربنه والأثر
مطر مطر ..جانه مطر
