اغنيه (الحلم)اهدى كلمات هذه الاغنيه للفنان هانى شاكر

كتب : حسام داود

حلمت انا بيكى بتبكى بحرقه
وإنت دموعك غاليه عليه
وحتى دموعك لو فى الحلم
برده كمان بتأثر فيه
طول الحلم بقولم مالك
مين اللى مغيرلك حالك
دى الدمعه اللى بتبكيها ياعمرى
أنا هبكيها دموع علشانك
حاجه كبيره دموعك عندى
بس أمانه عليكى لتهدى
اقولك حاجه الناس حاسدينك
وجايز عين ومسيرها تعدى
وانا لو شفتك تانى بتبكى
ف حلم ان كان او حتى منام
يبقى دا عهد ووعد عليه
هصحى عيونى الليل ماتنام
وف حلمى سألت الناس والطير
يمكن حد يقول تفسير
بس لاقيتهم زيي احتارو
بجد تعبت من التفكير
وقلت يارب الحلم دا يخلص
واسال عنها الاقيها بخير
صحيت من نومى… وجنبي صورتها
وعرفت ساعتها ….سبب دمعتها
خير اللهم اجعله خير
نسيت امبارح اقول لصورتها
قبل ما انام تصبحى على خير