(بنت حوا)مجرد هزار

 هما سكر بس مر
خيرهم كله معبى شر
بنت حوا بالجواز تكتفك
بعد ماكنت طير وحر
مهما كانت عاقله لازم
يبقى فيها من الجنون
مهما كنت بجد حازم
مش هتكسر فيها الظنون
كلهم فى الغيره واحد
كلهم فى الشك واحد
واللى فيهم عاقله حبه
تخل عقلك فى اللمون
لو راضيتهم يوم بكلمه
وقلت خلى اليوم يعدى
يشكو اكتر برده فيك
ويقلبوها فيلم هندى
وإن قسيت بعد الحنان
يبرطمو كده باللاوندى
يعنى طيب ولا قاسى
بردو يومك مش معدى