بقلم/ ياسر التونى
مهما شربت انافيكى مرارى
بيعى براحتك برضه انا شارى —— (بحبك يامصر )
**************************************
مش ممكن لحظة اتوه منك * دانا قلبى مسجل عنـــــــــوانك
على دمه اللى ملون علمك *على نبضه العاشق لكيــــــــانك
على عامل فى المصنع حالف * يصنع من حجرك مرجانك
على صوت الاجراس ف كنيسة * على جامع بيعلى اذانـــك
على جرجس لما بيترنم * على مسلم حافظ قرأنـــــــــــــــك
على جندى على الكفين شايل * العمر الموهوب علشـــــانك
على صوت فى صعيدك لربابة * والعمدة بيرقص بحصانك
على صحبة ف قهوتها البلدى * من عودك تسمع الحـــــانك
على مركب ف النيل بالعيلة * عايشين الفرحة بعرســـــانك
على نهرك لما يفيض دمعه * من شوقه لزرعك وغيطـــانك
على طفل وماسك ايد جده * بيشوف له طريقه ف دورانــك
على فول ف صباحك بيجمع * غلبان وفقير مع سلطـــــانك
على قعدة ف لحظة عصرية * على مدفع مغرب رمضانك
ع السجدة على الارض الطاهرة * تعبير عن شكر اله زانك
بالامن وبالضحكة الصافية * لو زادو لمليار سكـــــــــــــانك
هفضل انا عاشقك يابلادى * من بلد اسكندر لاســـــــــوانك
وبتسألى فين سجل قلبى * علشان تتطمنى عنـــــــــــــــــوانك
ياحبيبتى انا اضيع من غير حبك وهضيع انا حتى ف نسيانك
لو كرهك قلبى ولو لحظة * يتحمل ثورة بركـــــــــــــــا نك
**********************************************
عاشق تراب بلدى ومحد ش يسالنى ليه ؟ ياسر التونى
