بقلم…. مني زغلول
لو انت ماشي في مكان فيه قصر وفيه بيت عادي ماذا يميز أحدهما عن الآخر ؟اللي هيميز الاتنين هي الأسوار القصر لازم يكون حواليه سور يحميه بالظبط الثقه بالنفس كدا الانسان اللي يحاوط نفسه بالثقه غير الانسان اللي بيتهز بأقل كلمه ،الواثق من نفسه دا الناس بتحترمه ومحدش يقدر يغلط فيه بكلمه حتي الانسان اللي ثقته في نفسه قليله شويه دا عنده نقط ضعف ممكن اي حد يقلل منه بسببها وأي كلمه بتتقال بياخدها علي نفسه حتي لو غير مقصوده وكلامه مهزوز وتلاقيه من فتره للتانيه بيعاني من اضطرابات نفسيه للضغط النفسي انك تكون واثق في نفسك مش بتيجي خطوه واحده أبداً ،اللي ببساعدك انك تثق في نفسك انك تتخلص من خوفك خوفك من أنك تجرب أو خايف من الفشل أو خايف ان فلان يقول عليك فشلت خوفك من رد الفعل هيخليك تندم بعدين ودا هيقلل ثقتك بنفسك،خليك قوي بنفسك وافكارك وفكر قبل اي تصرف وتوكل علي الله مش هتندم. علشان تثق في نفسك في خطوات لازم تعملها. 1/اعترف انك مش واثق في نفسك بالقدر الكافي 2/هات كشكول وكل فتره تكتب فيه نقاط ضعفك مترقمه أي إنسان في الكون عنده نقاط ضعف المفروض يقويها فلازم تكتبها عشان تطور من نفسك 3/نقاط قوتك هتكتبها بردو ومش معني كده انك متستغلهاش لا قوتك لازم تستثمرها لأنها هتزود ثقتك بنفسك ولو عندك موهبه تنميها ولو معندكش دور جواك علي موهبه هتلاقي 4/شارك الناس واختلط بيهم لان المواقف الكتير اللي هتمر بيها هتعملك دروس وهتقوي ثقتك بنفسك 5/خالط ناس إيجابيين خصوصاً الصحاب لأن دا هيبعدك عن الطاقه السلبيه وهيحمسك علي الشجاعه وهيزود ثقتك لما هيشجعوك ويتمنولك الخير 6/ادعم نفسك وادعم اللي حواليك وشجعهم ودا هيعطيك طاقه إيجابية انك تنجز مهام فثقتك تزيد أكتر 7/انت مش أقل من أي حد لازم تشوف نفسك كبير ديما وانك زيك زي اي حد مش أقل بل يمكن أحسن”مش انك تتكبر لان دا مش أخلاق”بس إنم تثق في نفسك ومتخليش اي حاجه تهزك
