كتبت/بسمه عطيه
واتارى القلب جاب اخره
ومل خلاص من الاه
سكت علشان خايف يحكى
عيونه تمل وياه
كتم وجعه عشان خايف
تشوفه عنيه وهو حزين
كتم علشان ما تعرفشى
ولو عرفت هتشكى لمين
هاتنزل بس دمعتها
وتجرح قلبها الموجوع
وتبقى الضحكه اخرتها
اهات ودموع
وحلف القلب لا يخلى
اهاته فى قلبه ويدارى
لا يشكى لعينه ولا يحكى
ويبقى الحزن مدارى
يدارى عشان ميجرحهاش
عشان عينه متستناش
يجيلها الفرح على غفله
تقوله عنيه د جايالنا
يقولها لا معرفهاش
