كتبت/ مياده محمد
هو انا ينفع ابقى مش معاك بس فى نفس الوقت مش ضدك ؟؟؟
يعنى لوكنت بخالفك فى شىء لازم ابقى شيفاك غلط وانا الصح مثلا
طب ينفع كل واحد فينا يبقه عنده وجهه نظر تحترم حتى لو كانت مختلفه
طب هو ينفع برده افترض فيك حسن النيه حتلى لو كنت مخالفنى فى الراى او التفكير
طب هو ينفع احترمك برده حتى لو كنت مخالفنى اصلا فى العقيده
مش عارفه ليه انا حاسه ان كل ده ينفع مع ان الواقع اللى عايشينه كله بيثبت غير كده
ليه بقينا بنحكم على بعضينا كأن الواحد فينا بقه نبى منزه عن الخطا
ليه التعصب بقه سمه العصر اللى احنا عايشين فيه
تعصب للفكره للراى للعقيده للجنس
ليه معدتش فى حوار محترم يجمعنا
حتى لو كنا مختلفين
ليه حكمنا على بعض بقه كله عل اساس المظاهر
ليه بقينا نصنف بعضنا تصنيفات وفئات وجمعات ونسينا اننا كلنا بشر
اتعلمنا الشماته حتى فى الموت
نفسى بجد كلنا نحترم بعض ونحسن الظن ببعض ونتقى ربنا فى بعض
وياريت الاختلاف ميخليناش فى خلاف
وياريت كلمه انا مش معاك متبقاش معناها انى ضدك
وياريت كلنا يبقى عندنا اخلاق.
