بقلم… اسامه على هاشم
طالب سماح وفرصة تانية أنت عارفة حبى ليكي قد ايه يمكن بتعصب عليكى يمكن مسمعش منك كلام أو بستهانة بسمعك أنا النهاردة راجع ونادم صدقيني عايز ارجعك مش راح تشوفي منى ذل عيشة لو جيت في مرة قسيت عليك اوعدك أحقق رغبتك فى الفراق بعدك عنى ثانيه ب١٠٠سنه صدقيني مش هاقدر ع الفراق هازرع جواكي ورد عشقك واحصد جويا عشق وردك واللى فات واللي كان منى زمان إنسيه ما تفكريش فيه وأنا والله اتغيرت مين يبقى معاه الورد ويتمسك بالشوك في ايدو أنا شوقك ماشي فى وريدي ومن غيرك مش هاقدر أكمل سامحيني مش قادر اتحمل سامحيني مش قادر اعيش وحياتي من غيرك فاضية ومن غيرك راح أبقى ضحية لغرامك مهو ساكن فيا ارحمى عاشق ولهان وبعشقك بقى عنده جنان ممكن ثانية لو بعتي يموت نفسه غرقان ولو قلبك سامح وعفي عنه يرجعلك سعيد فرحان عشمان فى الطيبة ياطبيبة تطيّبي عاشق غلبان وبعشقك بقى عنده جنان
