بقلم… إيفى نورالدين
مش حاقلك انى حنسى
والا يوم حقولك انسى
بس قلبى عايز يسامحك
مش علشان لسة بحبك
والا يوم حاعود لحبك
دة لانى يوم شاركتك
ضحكة مرة ودمعة مرة
ليه ماصنتش عشرة حلوة
انت واخد على الاسية
امبارح كنت معايا حنية
والنهاردة واحدة تانية
عايش بقلب ماتت دقاته
تجرى وراء الهوا كل سكة
بس دقة قلبك بدون حياة
وتسالنى بجد مسامحة
ايوة مسامحة علشان فارقتك
وخرجت بقلبى بدون خساير
لسة باضحك وباستنى البشاير
بكرة عندى بسمة وفرحة جاية
علشان كدة انا مسامحة.
