مدمن نجاح

بقلم د. داليا البيسى

كل شخص منا لديه إرادة ولكل إرادة قوة معينة، الإرادة الحقيقية هي كيفية الوصول مع وضع يقين فى الوصول وليست محاولات
فالإصرار علي الوصول يجعلنا نصل و ننجح ونحقق مانتمنى
لكن المحاولات وسيلة ممكن تساعدك ولكن هتوقفك في مرحلة ومش هتوصلك
عافر وحط حلمك امام عينيك.

اوصل عشان لازم تنجح الحلم مش سهل ، بس طعم النجاح حاجة تانية خالص.

لو عاوزة تنجحي في بيتك حطي أهداف وإعمليلها أرقام بالورقة والقلم واعمليلها تاريخ بداية وإمشي عليها وكل هدف تحققيه علمي عليه بلون مختلف واكتبي عليه تاريخ تحقيقه ومع آخر هدف تحققيه بتاريخه قارنيه ببداية خطتك حققتيها في اد ايه سواء بعد سنة او اتنين المهم انك حققتي النجاح الي حلمتي بيه في بيتك.

وانت بردو لو عاوز تنجح في شغلك اكتب اهدافك في ورقة وقلم وبردو رقمها وحدد تاريخ بداية تحقيق احلامك وعلم علي كل هدف بلون مختلف واكتب تاريخ تحقيق كل هَدَف اتحقق ومع اخر هدف حققته هتقارن انت بدأت امتى وحققت كل احلامك امتى .
ومن هنا هتقدروا تحددوا مدي قوة ارادتك وارداتك .

طبعا ودا اكيد انك تقابل ناس كتير تحبطك، وناس تهز ثقتك ، وناس تقف في طريق نجاحك .

دا كله عشان تقدر تقيم مدي قوة ارادتك اوعى تتهز واوعي تيأس الوصول للنجاح مش سهل بس هتنسي التعب لما توصل وتحس بطعم النجاح الحقيقي.