بقلم…. منال مصطفي
و ماتزعليش
إن مرة سابك أو مشي
وقال خلاص راح نفترق
ماتدمعيش
ابداً فـ يوم
ده مايستاهلش
قلبك عشانه دا ينحرق
لو كان فيه خير
كان قربه رب العباد
كات المحبة هاتتوصل
بالرحمة و الشوق و الوداد
مش ربنا برضة اللي قال ..
“الطيبون للطيبات”
فانسي الوعود
وإنسي الورود
والذكريات
إركني كل المشاعر و الحاجات
وماتسأليش…
اخباره ايه ؟؟؟
أو عامل ايه ؟؟؟
أو كان وليه ؟؟؟
و فـ بعدي إزاى قادر يعيش
ماتفكريش..
و ماتزعليش
