بقلم : مدحت طلعت
هتكلم معاكم النهارده عن الاجازة السنوية :
هي اجازة سنوية يعني كل سنة ليك اجازة وبنقول عليها احياناً اجازة دورية.
والاجازة ديه ممنوع صاحب العمل يمنعك عن ادائها او التنازل عنها بمقابل او غير مقابل ولو اتفق معاك علي كده اعرف انك مش ملزم بهذا الاتفاق.
الاجازة ديه معموله عشان تحافظ علي صحتك يعني تاخد راحة وتغير جو العمل.
طيب ايه مدة الاجازة السنوية :
القانون حددها مدة 21 يوم باجر كامل لليقضي في الخدمه سنة كاملة.
و30 يوم باجر كامل لليقضي عشر سنوات
و30 يوم باجر كامل لمن تجاوز سنه الخمسين
ومدة خدمة العامل لو اقل من سنة استحق اجازة بنسبة المدة التي قضاها في العمل بشرط ان المدة متقلش عن ستة شهور.
خلي بالك :
الاجازة السنوية مش بيدخل فيها ايام العطلات والمناسبات الرسمية والراحة الاسبوعية.
مش بس كده :
ده كمان الاجازة السنوية مستقلة عن اجازات الاعياد والاجازات العرضية والاجازات المرضية.
علي فكرة :
انت ممكن تتفق مع صاحب العمل علي زيادة الاجازة السنوية والاتفاق هيكون صحيح وملزم لصاحب العمل.
قبل ما سيبك
الاجازة ديه مدفوعة الاجر والا مش هتبقي اجازة سعيدة وباجر مقدم كمان اي قبل بدء اجازتك.
اسيبك بقا عندي اجازة..
مدحت طلعت المحام بالاستئناف العالي لدي جميع المحاكم المصرية
01212665335
